Question

طريقة طبخ اكلة سريعة

Answer 1

فراخ بالمشروم وصوص الكريمة

يتم تقطيع صدور الفراخ فطع صغيرة وتحمر في معلقة سمن، ثم يتم رفعها، وفي نفس التنجرة يتم تحمير قطع بطاطس تم تقشيرها وتقطيعها مكعبات صغيرة، بعدها يتم وضع بصلة صغيرة مقطعة قطع صغيرة مع فصين ثوم مبشورين مع المشروم وعند نضجهم يتم وضع معلقة دقيق وبعدها كوبين من اللبن ويتم القليب وعند الغليان نعيد الفراخ ونقلب ونتركهم من 5-7دقائق ويتم قفل النار وستصبح الاكله جاهزة للتقديم مع الأرز.

Answer 2

• جهزي البطاطس وقشريها وقطعيها حلقات 
• اغسلي الطماطم وقطعيها حلقات 
• قشري البصل وقطعي البصل حلقات
• قطعي فلفل حامي حسب الرغبة اذا بتحبي الاكل الحراق 
• ملعقة سمن 
• توابل  (كمون فلفل اسود ملح شطة بودرة ) 
• ورق لوري 
• كوبايتين عصير طماطم او 4 ملاعق كبار صلصة خسب المتوفر عندك 
• جهزي صينية ورصي حلقات البطاطس وفوقيها حلقات البصل والطماطم 
• ضيفي التوابل وورق اللورى 
• ضيفي الفلفل الحامي اذا بتحبي الحراق
• ضيفي عصير الطماطم او الصلصة على صينية البطاطس 
• ضيفي مية حنفية تغطي صينية البطاطس 
• ولعي عين البوتجاز على نار هادية اوووى وحطي صينية البطاطس 
• غطي الصينية بغطا حلة 
• اتركيها لمدة 40 دقيقة على نار هادية ثم اضيفي ملعقة سمن وقلبى 
• استني 5 دقائق ثم اقفلى عين البوتجاز والف هنا